Malaysia gamsung ah thautawi migilo tetawh akizom mi 8 kiman
Malaysia gamsung ah thautawi migilo te galkap Militants akigawm in mi 8 kimankhia a, tualak ah mi 5 tepen Abu Sayyaf Group (ASG) tetawh kizom uh cih theStar pan kiza hi. Abu Sayyaf Group (ASG) cihte pen Philippines gamsung aom ISIS migilo te ahi uhhi.
Malaysia palik lamah alianpenpa ahi Inspector-General of Police Tan Sri Mohamad Fuzi Harun in genkhiatna ah hih hiamtawi migilo mi 8 tepen Malaysia gamsung State 3 sungpanin akimankhia hi ci’n genkhia hi.
Bukit Aman Special Branch Counter Terrorism Division te’n Sabah, Selangor leh Perak State 3 sungah September 27 leh October 06 kikal in akimankhia ahi uhhi.
Sabah State sungah abeisa September 27 ni in mi 5 kiman masa uhhi. Tua akiman te lakah mi 2 pen Malaysian gammi, adang mi 2 pen Filipinos gammi, leh adang mikhatpen Filipino gammi hi a, ahi zongin Malaysian Permanent Resident (PR) atawikhat ahihi.
Hih mi 5 tepen Malaysia gamsung ah Abu Sayyaf kici migilo te aluttheih nadingin avaihawm, Travel Arrangement abawl te kici hi.
Tuaban ah October 01 ni in Selangor sungpan in Albanian gammi pasal khat kiman leuleu hi. Hihpa pen Malaysia gamsung aom Public University khatah laihilh Lecturer asemkhat ahihi. Hihpa pen gampualam aom IS migilo tetawh kizopna om ahih manin, kumpi thunei te’n amankhia uh ahihi.
Adang mi 2 tepen abeisa 2013 February inzong migilo tetawh kizopna omngei in aki manngeisa hi a, tu’n khatvei akimankik leuleu uh ahihi.
Hih akigam mi 8 te lakah khatpa pen kum 53 aphakhin khat hi a, Malaysia gamsung aom Muslim, Christian, Hindu te biakpiakna munte ah tatsiatna, ngongtatna bawlding in mi akaikhawm khat ci uhhi.
Related: Kawlgam abuaisak dingin alutsawm Pakistan migilo khatin Photo kikhahkhia
Malaysia gamsung ah biakna vaitawh ki telkhialhna, buaina apiantheih nadingin avaihawm, amakaipi khat cimawk hi. Malaysia gamsung ahzong IS tetawh akizom migilo tampi kimankhia zelzel a, ahi zongin tuciangciang buailuatna, sisan naisan luangawpna omnai taktak samlo hi. Sawltak #zomidaily
Comment piaknop aomleh...