Malaysia, Kedah ah khedap zuakna bukkhat meikangtum

Malaysia, Kedah ah khedap zuakna bukkhat meikangtum

Malaysia, Kedah State sungah khedapzuak pasal khat tawmvei a ihmutpak sungin avanzuakna buk meikang citciat cih NST pan kiza hi. Tua pasalpa pen Ramadan Bazaar ah vanzuak in aom ahihi.

Tuapa minpen Muhamad Ashyraf Shahrunnizam kici a, kum 19 aphakhin khat ahihi. Tuni Wednesday zingsanglam 7:30am hunpawl in avanzuakna Canopy gei ah alup laitak in meikang kipan cihi.

Meikat laitak in amahpen a ihmut laitak hi a, ahi zongin ageinai pan amukha te’n a otsan ciangin amahzong khuaphawk in taikhia theipha bilbel hi.

Ahi zongin avanteng pen meikangsuak in akhedap zuakteng vutlehvai suakmang hi. Ahi zongin ami bangmah acihloh pen kampha kisa mahmah a, ageinai ah lampai “Passers-by” te’n hong otsangawp keile uh keizong asiding kahihi ci’n Show Seller pa’n genkhia hi.

Motorcycle khatzong aneih hi a, tuapen Canopy pan aki gamlakna apualam ah koihkha bilbel ahih manin, tua Motorcycle pen meikanglo in tuabekmah cianlai hi. Adangteng Mobile Phone akipan, asumneihteng, sumbawm tawh avekin meikangtum cihi.

Tua khedap tengpen Ramadan leh Aidilfitri hunsung in zuakding acih hi a, avekin meikangtum teng akituat ciangin RM20,000 bang manneiding cihi.

More: Malaysia, Butterworth lamzikpi tungah ngasapua Lorry khat kibung

Jitra Fire and Rescue Department pan thunei te genna ah meikatna ahangpen aki kanciansan laitak ci uhhi. Electric Short-circuit hangin meikang hiloding cihzong genkhia uhhi. ZD Sawltak #zomidaily