Malaysia, Kuala Lumpur, Cheras vengsung ah Motorcycle tawh damiah ataih pasal nih 2 kiman cih NST pan kiza hi. Tua guta damiah nihte pen Cheras vengsung aom Jalan Kuari ah Sunday ni nitaklam 9:30pm hunpawl in numei khattungpan van suhsak uhhi.
Numei 19 aphakhin khat ii thungip “bag” asuhsakkhit uhciang in Motorcycle tawh taikhiatsawm uhhi.
Hih damiah kitaih laitak amukha mawtawhawl pasal khatin tua damiah te Motorcycle tawh ataimang theihloh nadingin amai ah mawtaw tawh na khakcipsak hi.
Ahi zongin tua guta damiah nihte pen Motorcycle tawh hattailua uh ahih manin, mawtaw khauhtak in phuphei uh a, tuksukpah uhhi.
Video: Man crashes car to stop snatch thieves from fleeing on motorcycle in Cheras
Cheras district police chief Assistant Commissioner Chong Kok Sin in agenkhiatna ah tua Motorcycle damiah tepen anih un ataklam khe kitansuak cihi.
Related: Malaysia, Cheras vengsungah Pistol tawh mikhat kikaplum ~ ZD
Anih un Ampang Hospital ah zatui kibawlding in kipuak uh a, thusitna neihdingin ki mansuakding cih kiza hi. Motorcycle tawh guta damiah tepen kum 18 leh kum 23 aphakhin uh ci a, amin apuam pen ki genkhianailo hi. ZD Sawltak #zomidaily
Comment piaknop aomleh...