Malaysia gamsung gamdangmi atam phatdiakna mun ahi Bukit Bintang ah Operasi (Operation) lut a, mi 42 kiman cih theStar pan kiza hi. Operasi alutpen zanni 12 August 11:15pm panin akipan hi a, tuzingsang Saturday ni in mansiangpan uhhi.
Hih Operasi sungpan in amatkhiat uh lakah numei pawlkhatzong kihel a, ahang tuamtuam, Case tuamtuam tawh akiman uh ahihi.
Dang Wangi Deputy OCPD Supt Habibi Majinji in agenkhiatna ah hih Operasi bawlna ah Officer mi 23 kihel a, tuaban ah adang RELA leh kumpisawl mi 108 kigawm in Operasi akilutkhawm hi ci’n genkhia hi.
Hih Operasi alutna ngimnadiak ahihleh Changkat Bukit Bintang sung aom Entertainment Outlets tuamtuam te hiphadiak cihi. Tuaban ah kumpi thukhun tawh akituaklo gamtatna, mipi ommuang te siatna abawlthei migilo te gamtatna cihte zong a siansuahnuam uh ahihi.
Tukal kipatlam inzong kumpi thunei te’n “Anti-crime Operation” nei in, mi 1458 bang bansit kawikawi uh a, tualak pan mi 39 mankhia uhhi.
Kumpi thunei te’n Malaysia gamsung asiansuah laitak uh ahih manin, pilvangding thupi mahmah dinghi. ZD Sawltak #zomidaily
Zomi khatpeuh in leitung thuthak atheihlawh dingin lamen hang. Zomi Daily ah nonghawh zelzel manin lungdam mahmah hi!
Comment piaknop aomleh...