Malaysia ah Kawlgammi khatin alawmte thatlum ahih manin matdingin kizong

Malaysia ah Kawlgammi khatin alawmte thatlum ahih manin matdin gin kizong

Malaysia, Perlis State sungah Kawlgammi khatin alawmte Kawlgammi khatmah mulkimhuai takin athahlup khitciangin tai ahih manin palik te’n zonsan cih NST pan kiza hi.

Perlis, Sungai Durian, Kurung Anai sungah abeisa Monday zanlam in thupiang hi a, thahlup athuakpa pen kum 37 aphakhin Myanmar Worker khat kici hi.

Thahlup athuakpa ii aminpen Myint Naing kici a, aluanghawm pen silehnai tawh kidiahcip in nitaklam 10:55pm hunpawl in kimukhia cihi.

Arau district police chief Supertintendent Nanda Maarof in agenkhiatna ah thahlup athuakpa pen E-card atawi Myanmar Worker khat hi ci’n genkhia hi. Alawmte innsungkhat ah aompih khattawh kitawnggawp in aki dawtlup hiding cihi.

Hih Myanmar Workers tepen innsung khatah numei 4 leh pasal 7 aomkhawm uh ahihi. Boss pa’n thahlup athuakpa pen amundang ah ki tuahkhiatding thupia in, tuavai tawh amau nasem aomkhawm teng kitawng in buaina apiang hihtuak hi.

More: Malaysia, Perlis ah golhgukne palik nih kiman

Tuaciang in alawmte tawh kitawng in sikzum khattawh agawl panin aki dawtlum cih thunei te’n genkhia hi. Ahi zongin ki dawtlupna ah akizang sikzum pen kimukhiazo nailo hi.

Adawtluppa zong E-card atawi Myanmar Worker khatmah hi a, kum 23 khawng aphapan khat ahihi. Police te’n vengsung tengah hihpa atheikha aomleh hongzasak un ci’n zaksakna neipah uh a, zonsan uh cih kiza hi. Sawltak #zomidaily