Lungtang kisai natna

Lungtang kisai natna

Lungtang kisainatna cihpen i tawlmahmah ciang, thungaihsut a tamluat ciangleh exercise bawl laitak cihhun ciangin piangthei pha diak hi.

Hong pianna a hangpen lungtang pan sisan a khahkhia sihui te sungah thau tamlua hi. Tua hangin lungtangsungah sisan a kicingin tungzolo hi. Lungtang sungah a kisam zah oxygen tung zolo a hihman zong a hihi.

Hih lungtang kisai (lungtang phu) natna pen hong pian ciangin lungtang a tunglam mun tengah hongpiang nuam deuh hi. Mi khatpeuh in a tunglampan hong hum in hong nenciptawh kibangthei hi. Tuapan hong kipanto in khutban dong hongbanto thei hi.

A damna ding a nekhuai ante

Hih lungtang kisai natna a damna dingin a siangtho mehtehmehgah tampi nek huai hi. Mehteh mehgah te sungah Vitamin A, B, E om hi. Tua te in lungtang sihui sungah thaute hemkhia hi.

Tuate khit ciangin ngasa, aksa, vatawttui cik, mangbuh, banla, thawhbat leh a muu tuamtuamte nek huai hi. Sathau lampan ahihleh tanluan thau, nipipaak thau leh mipee thau te nek ding thupi hi.

Nisim in lothang san leh lothangkang tawmta nekhuai mahmah hi. Hih lungtang kisai natna pen lauhuai lua lo hi. Hih mehteh mehgah te manman in ne peuh leng damkik lel hi. Damna ding deihsakna tawh, Siamsin Library