Ka theihbat tanh: Lawmhanneek, Sialsawm

Ka theihbat tanh: Lawmhanneek, Sialsawm

Kaneulaipekpan, lawmhanneek cih, ka theih masak ahi hi. Lopawi, khaituh, vawh, suanh cihte, ahunlapa tuh/ vawh/ suanh kul ahihmanin, inn 2/3 ki lawmh a khaii aki tuh, lo aki pawii hi a, tua aki lawmh tengin, lozawh neekkhop dawnkhopna abawlpen, lawmhanne akici ahi hi.

A taktakin, ituh ivawh isuan’ ipawi’ khaici te hongpo hongkhanga hong gahsuah nadingin, “Khua” akici te’ tungah thupha ngetna ahih manin, Khuabawl kici a, khua laizanga Tual ah kibawl ahih manin ”Tualbawl” zong kici hi.

Khua te’ tungpan, nitaangpha leh guahtui hoih ngetna ahi hi. Khuasung Siampu’pa, khua upa tengin “Tual” ah vok tuk4,zung2, cih gualkhat go in, khuazangbup adingin, Khua/ Tual abia uh ahi hi.

Tual biakna (Khuabawl) aman’khitni azingciangin, lawmhan kine hi.

Aki tuh/ vawh/ suan’ khaicite ahongkhan’liat ma, vaimim haamgitma, taanghaambawhma sung teng, pasal sa uukte zangsial beng dingin kuan’ uha, tuapen ”Sialsawwm” kici hi. Tua sialte atheihlohkaalvua matsawwm cihna ”Sialsawwm” hi a, mikang kha in April kha mah hipen ding hi.

Kei’muh kei’theih battanh hi.
Ka lungdam, Munkhai’pa

Tedim Pau pian’khiatna (thutomkim)

# Tuimui hausa Pu Mang Za Thangin: “Ko’ Paite pau pen, kuamah’n telloding ahihmanin, Tedim khuasunga akizangh pau tawh bawl leeng, ki telkimpen dinghi” ci a, Haiciin hausa Pu Tual Pumin, thukimpih hi.

# Hiangzang hausa Pu Zam Khua Thangin: “Ko’ Thadou pau zong, kuamah’n theilo ding hi. Tedim khuasunga akizangh pau in omhen” ci a, Hangken hausa Pu Kam Pumin thukimpih hi.

# Salzang hausa Pu Zang Khua Lianin zong: “Ko’ Zohaam zong kuamah’n tello dinghi. Tedim khuasunga akizangh pau mah, ki telkimpen dinghi” ci a, Mantuangbeh Phaitu hausa Pu Khan Thawngin thukimpih hi.

Pu Ngul Langh ciamtehna pan hi.
J.H.Cope topa’ vaihawm suangkuazaang meeting.(Ciimnuai giahbuk mai).

Ka lungdam, Munkhai’pa