Laukei in, nang adingin vantungmite kigingden hi ~ Tdkhen

Laukei in, nang adingin vantungmite kigingden hi ~ Tdkhen

Thu na nget ciangin Vantungmite Pasian’ kiang leh nang’kiangah ki sam (call) den uh hi. Banghanghiam cihleh haksatna munah om a, thu na nget ciangin, nang’aadinga Pasian deihna a tangtun theih nadingin vantungmite a kisawl zelzel ahi hi. Pasian in thungetna a dawn ciangin, sepna tawh kizui sak a, tua nasep sem dingin Ama’ tangin a vantungmite sem sak hi. Banghanghiam cihleh amaute pen ama’ tang-a ding vive ahi uh hi.

Pasian in thu a piak nakleh amaute’ nasep theih zah pen ciangtan om lo hi. A kisam bangbangin Pasian in a vantungmite nang’aadingin hong pia thei ziauziau hi. Vantungmite pen uphuailo zah donga leitungah a taihat te ahi hi. Vangtungmite pen na khat peuhpeuh in a dal thei hilo hi.

Amaute’ tungah Pasian in thu a piak nakleh a mite thahat sak thei-in, hangsan sak thei lai hi. (Dan 10:18-19; Lk 22:43). Pasian in thu a piak nakleh a kimu-in kilang thei a, pumpi nasepte zong sem thei lua uh hi. Hih Vantungmite’ hihnate ciamteh den ni:

1. Pasian’ vantungmite pen nang tawh omkhawm tawntung hi.

2. Pasian’ vantungmite pen hun khempeuhah, munkhat peuhah a pai thei hi. Na kisapna bangin na hun leh na munah amaute hong tai den ding hi.

3. Pasian’ vantungmite pen Pasian’ sawlna peuha pai ding, a baihsa-a om dente ahi uh hi.

4. Pasian’ vantungmite pen mihingte sanga hat zaw pekte ahi uh hi.

5. Pasian’ vantungmite pen na thungetna hong dawng dingin, Pasian’tangin a din hun a om thei hi.

6. Pasian’ vantungmite pen Pasian’deihna banga na a sep uh ciangin a nuam uh hi.

7. Pasian’ vantungmite pen nang hong huh ding tavuan a neite ahi uh hi.

8. Pasian’ vantungmite in nang hongit hi. Banghanghiam cihleh, Pasian in nang hongit hi.

9. Pasian’ vantungmite pen nang hong huh dingin Pasian kiangah na ngen thei hi.

10. Pasian’ vantungmite pen Pasian nasemte hi; tua pen nang’ aading ahi hi. Amaute’ kiangah thu na ngen kei a, ahi zongin amaute in hong huh nadingin Pasian kiangah na ngen zaw hi.

11. Pasian’ vantungmite pen nang tawh vantungah a lungdam khawm dingte ahi hi. Banghanghiam cihleh na thungetnate, hong kidawnna, nang’ na theih khitloh hangin Pasian’sawlna banga na tungah hong sepsakte uh hong gen nuam manlah ding uh hi. Tdkhen (Agelh: Wesley L.Duewel)