Kammal kilawm pawlkhat (azom 14 September 2015)

Kammal kilawm pawlkhat (azom 14 September 2015)

Pa’ dinmun a om kitam mahmah napi-in, Pa’ vaipuak(tavuan) teng a pua nuam lo, Pasal tampitak om hi.

I tate pattah siam leeng hong zahtak
ding uh a, i pattah siam kei leh hong
zahtak loin, hong kihta ding uh hi. Na
tate’n hong kihta maw, hong zahtak
cih khentel theih sawm in!

A ngahngahte thupha ngah(mi nuamsa) sa kha thei ding hi hang. Ahi zongin, a hawmkhiakhia, a piakhiakhiate mah thupha ngah(mi nuamsa) taktakte hi zaw uh!

Thuman in citak leeng, a sumh i bat hangin, a meet sim khinkhian ihi den zaw hi.

Na Nu leh Pa adingin na khua-ul
mal sawm(10) a taak khiat leh, nang adingin na nu leh pa in, khua-ul, a tawmpen mal za(100) taak khia khin uh, cih phawk in!

Tate’n nu leh pate hai sa-in zahpih thei uh a, nu leh pate in tate’ haina thei-in, hehpih uh hi.

Ei leh ei ki uk’zawhlohna pen, guallelhna lianpen hi.

Leitungah innkuan kim takin cidam a, i khansau ding uthuai mahmah a, vantungah innkuan kim takin i lut kim ding utzaw lai hi.

Khazih sungah,
David Tuang