Japan gampan kibawl nektheih Muji leh Natto Brand te kidop huai

Japan gampan kibawl nektheih Muji leh Natto Brand te kidop huai

Japan Company khat ahi “Muji Company” panin akibawlkhia Ready-make nektheih te kidop huai hi. Muji Company panin akibawl lakah nektheih namnih tepen 2011 kum Japan Fukushima Nuclear Disaster apianna munpan in akibawlkhia ahih manin, lauhuai in nek huai ahihlohlam Taiwan in pulak khia hi.

Muji Company tebawl nektheih Packet 638 tepen Japanese Lifestyle Store te’n Wednesday (Dec 14) ni in hemkhia uhhi ci’n Taiwan’s China Times te’n pulak uhhi.

Tua akizuakngam nawnlo nektheih Ready-make tepen “Crab Rice Kit” leh “Conger Eel Rice Kit” namnih hi ci’n Food and Drug Adminstration of Taiwan in genkhia hi.

Taiwan gamsung ah hih nektheihte nawngkaina om cih akizak ciangin “Muji Hong Kong” inzong hih nektheih namnih te sapkikna “Product Recall” bawl uh cih Thursday ni in kiza hi.

Hong Kong gamsung ah tua Muji Company pan akibawlte zuamnawnlohding hemkhia uh a, aleisa tezong asum khiatkikding ci’n tangkokhia uhhi.

Tuaban ah Natto Products kici nektheih tezong Japan, Chiba Prefecture panin akibawl hi a, tuamun pen Nuclear buaina apianna mun ahih manin, zuaknawnloh dingin ki hemkhia hi. Natto Products akihemkhia 1465 pha cih kiza hi.

Food Imports akibawl ciangin hongki patkhiatna mun hoihtak agenkhialo Company aomleh S$1,350 pan S$135,0000 ciangdong kigamthei hi ci’n Taiwan thunei te’n genkhia uhhi.

More: A tapa sammetdan akilawmloh manin a nasepna panin kitawp lawhliang

Hih atung a ihgen Muji Company leh Natto Products pan akibawl nektheih te nekloh hoihzaw khading hi cih deihsakna tawh ihki hilhsawn hi. Lungdam! ZD Sawltak #zomidaily