India in France tungpan in vanleng 36 leisawm

India in France tungpan in vanleng 36 leisawm

Sept. 23, 2016: India in kum 20 sungin galdona vangleng a lei loh khit nungin a masa pen dingin France gamte bawl Rafale multi-role combat fighter jets 36 leina dingin France tawh thukimna nei uh a, a man dingin $ 8.7bn thukimna suaikai thei ta uh hi. Hih pen India Prime Minister Narendra Modi in Indiate’ vanlengte lui thei lua ta ahih manin puahphat ding kisam hi cih a ngimna tawh a kilei ahi hi.

Rafale vanlengte a masa pen 2019 in India tung pan ding a, a kim in kum guk sungin tung ding hi. US Lockheed Martin’s F-16s, Boeing’s F/A-18s, Eurofighter Typhoon, Russia’s MiG-35, Sweden’s Saab’s Gripen ten India’ tung panin ko vanleng hong leisak un ci uh a, India in a gamdangte bawl sangin Rafale deih zaw hi.

Hih vanleng 36 kilei theih taktakna ding vai pen tu ni-in New Delhi khuapi ah French Defence Minister Jean-Yves Le Drian leh Indian Defense Minister Manohar Parrikar in suai kaihna a neih man un hong piang thei hi. Hih vanleng man ding kidekna hangin Rafale vanleng bawl Dassault Aviation leh India kumpi sawtpi kikan’tuahna kitat ta hi cihna suak hi. Manohar Parrikar in hih vanglengte hangin India in galdona leh kihumbitna dingah nakpi takin phattuampih ding hi ci hi.

Rafale vanleng bawl Dassault Aviation in Rafale 126 India tungah 2012 in zuak ding thukimna nei napi a kamciamna peel hi. Hih thu hangin India PM Modi in April 2015 in vanleng leina dingin $150 bn zat dingin ciam a, ama’ hanciamna hangin 36 lei khiat ding hong piang thei kik hi.

Dessault in Rafale 126 leina dingin $12-15bn dingin na thukim a, hih thukimna pen a lei ding hun in lem thei lo a, India in technology kihel loin 36 leina dingin $9bn ngen hi. India in Rafale 36 a leina ding hangin France in a thak a bawl kul ding ahih manin France mi 5,0000 in sepna muh lawh ding uh hi.

India in Tejas fighter kici bawl in July kha-in lengsak ta hi. Russiate tung panin MiGs vanleng a leisate lui lua ta ahih manin a thak tawh laih ding nakpi takin hanciam hi.

RAFALE VANGLENG THU TOMKIM:

• Role Multirole fighter
• National origin France
• Manufacturer Dassault Aviation
• First flight 4 July 1986
• Introduction 18 May 2001
• Status In service
• Primary users French Air Force
• French Navy
• Egyptian Air Force
• Qatar Air Force
• Indian Air Force
• Produced 1986–present
• Number built 154 (as of July 2016)
• Program cost €45.9 billion (as of FY2013) (US$62.7 billion)
• Unit cost Rafale B: €74M (flyaway cost, FY2013)
• Rafale C: €68.8M (flyaway cost, FY2013)
• Rafale M: €79M (flyaway cost, FY2011)

Source: Wikipedia; Al Jazeera News And Agencies/ Thang Khan Lian