India gamsung ah Hotel khat kicim, mi 10 si, adang mi 2 liam

India gamsung ah Hotel khat kicim, mi 10 si, adang mi 2 liam

India gamsung aom inndawl 4 storey apha Hotel khat kicim in, mi 10 in sihlawh a, adangzong mi 2 liam cih Reuters pan kiza hi. Local Police Official te genkhiatna ah Saturday zankimlam in Central India, Indore City sung aom Four-storey Hotel khat akicim ci uhhi.

Rescue Operations pen ki zosiangkhinta in, asi aliam aki behlap omnawnlo dinghi ci’n Assistant sub-inspector Ramesh Kirade in Reuters te tungah genkhia hi.

Hihvai tawh kisai in palik thunei ahi Police deputy inspector general Harinarayanchari Mishra in agenkhiatna ah mawtawhawl Driver khatin mawtaw hatsatlua in hoihtak hawlthei nawnlo ahih manin, Hotel ii innkhuampi khat phukha cihi. Tua aphutkhak ciangin Hotel innbuppi pen akicimsukpah cihi.

Video: At least 10 people were killed and several others injured after a four-storey building collapsed in India’s central Madhya Pradesh state on Saturday. The building, which housed hotels and lodges, was old and in dilapidated condition.

Tua Hotel Building pen innlui mahmah “Century-old structure” khat hi a, akicipsuk ciangin asungah mi 12 vulhnelhkha hi. Rescue Workers te’n amanlang in tua mi 12 te kaikhai uh himahleh mi 10 pen sikhinta uhhi.

Adang mi 2 tepen sinailo in, ahi zongin liamgawp uh ahih manin Hospital ah kipuaksakpah hi.

More: Malaysia, Selangor aom inn kilamsan khat kicim, mi 1 si, 5 liam

India gamsung ah inn kicim cihpen aomthei zelzel ahihi. Innlui innsia tampi om in, hoihtak kipuah cih omlo ahih manin, hunkhat ciangin kicimsukzel hi. Nungkum August khasung inzong Mumbai khuapisung aom kum 117 aphakhin innlui mahmahkhat kicim in, mi 22 takin sihlawh uhhi.