Holy Land ah Prigrimage ka zin na thu (April 14-24, 2016)

Holy Land ah Prigrimage ka zin na thu (April 14-24, 2016)

Holy Land ah Prigrimage ka zin na thu zaksak na ( April 14-24, 2016 ). ( Cf: 1 Cor 9: 16, “ Woe to me if I don’t preach the Good News – Lungdam na thu ka gen kei leh kei a dingin a dahhuai hi ding hi”).

Dear all, nung sangkhak hun Kawl te tuibuak pawi sung in Pasian’ hehpih na tawh Holy Land lam zin thei na hunnuam khat ka ngah thei kha a, tua ka zin na thu pen tu-in kong pulak nuam hi. ( Man lah na leh khual zin na tuamtuam hang tawh ka kin ngaihsut man kha kei a, tu-a kong at zo pan hi).

1. Ko mi ( 42 ) te Kawlgam Yangon pan in April 14, 2016 zingtung 7:00 a.m in Yangon pan in Bangkok Air vanleng tawh ka ding khia uh a, tua ni in Bangkok pan in vanleng transit na pan in a leng suak kik ding Bahrain Airport transit kik ding, tua pan a lengkik ding in Egypt gam khuo pi Cairo tung ding pen ko vanleng zong a tuang sa tua pen a len kuan a, ki sia or hoih lo ( Technical problem ) hong ki-ci a, Bangkok ah zan khat 5 Star Hotel khat ah ka zan-tam ta uh a, vanleng Company te leh Thai kumpi te ki pawl in sun an, ni tak an, Hotel sap man zong a free vive in hong ki pia hi. Ko Group mi ( 42 ) lak ah ei Upper Chindwin gun pi sak lam pan in kei bek ka hi hi.

2. A zingciang April 15, 2016 in Pasian’ hehpih na tawh Bangkok pan in Gulf Air vanleng pi tawh 7 hrs leng thei kik in Kingdom of Bahrain gam Airport ah tung, tua khit ciang 2 hrs khawl in Egypt gam ah 3 hrs Air Egypt vanleng tawh leng kik in Egypt gam khua pi Cairo ah local time nitak 6:00 p.m in P/S hepi na tawh hoih tah in tung thei ung. Grand Pyramids Hotel a cih na ah zan giak ung.

3. Egypt ah a masa in Moses pen a suoh tung lai a, a ki muh na Nile gun pi Cairo khuopi sung a luong pen en kawi kawi in Tembaw pi khat tawh zan in Cairo khua pi View te en kawm in ka en kawikawi uh hi. Tembaw tung ah nitak in Restaurant ah an neek kawm in Egypt mi te ngei na tawh lam na tuamtuam te zong en kawm in an ne ung. Cairo khuo pi sung zong ka en kawikawi uh hi. 2 ancient churches( tanglai pek a A.D 500 hun a ki lam biak inn lui pi 2 va en). Old Cairo Coptic Churches te zong en. Topa Jesu Israel gam Bethlehem ah a suoh khit a, Egypt gam a, galtai a, kum ( 3 ) sung a om na uh, Jesus, Mary, Joseph te’ Holy Family Home inn zong va en/vel ung. Egyptian Museum zong va en. Tua khit ciang B.C 2600 hun lai a ki lam a ki-ci nidang a sang a History a, ih sim ngei uh Egypt gam a, a minthang Pyramids ( Kiu 3 or sik 3 nei, suongtum pi tawh kilam inn pi te ka va en kawikawi uh hi. Side neu, gol, etc a tuomtuom om. Tua Pyramids inn lui pi te i sung te ah nidang taanglai a Egypt gam a kumpi te leh mihau te luang te om, or tua te kivui na “ Han” inn pi lian te hi ta zen hi. Ki zep na Zimui ( Perfume factory leh a zuak na kumpi bawl na inn pi or saipi khat zong va en, leitung mun tuamtuam a ki Export cidam na ding in hoih hi ci a hih man in, lei ngeingai ung. Mt. Sinai lam gamgi lam pai kik in a tawm pen 8 or 9 hrs bang sawt in, Asia continent leh Africa continent gamgi te zong mu. Meditereanean Sea( Mi-the-pin-le ), Moses in Israel mi te Santui pi a kan-tan pih na mun zong va en, Red sea, dead sea te va en kawikawi zong va lawng kha lai. Mt. Sinai ( Sinai mual ) kah na, muol nuai ah “ Burning Bush” ki ci lopa meikuang pan a, Pasien in Moses a sap na mun zong en. Tua leh Moses’ Well ki ci Moses Tuikhuk om na zong va en. A.D 400 hun a ki lam St. Catherine Monastery inn pi zong va en. Tua pan Meter 2,285 ( 7,497 ft val bang ) a san na mual dawn a hi Mt. Sinai ( Sinai mual tung ) or Mt. of Moses ( Moses’ mual ) dawn vum ah ka va kah leuleu uh a, Pasian in Moses tung ah Thukham suangpeek a piak na mun ah va tung in, tua mun ah ka vek pi un Haleluia ci in la bang sa in lungdam koh thungen khawm. ( N.B: Tua Mt. Sinai mual dawn ah sun hi leh ni sa lua, singkung om lo, suang pang bekbek or suangtum bekbek or kawl lak pian zong tam a hih man in zankim pi in Carmel ( Ka-la-oh sap a kah in tua pen 2 hrs val sawt, tua khit Ka-la-oh pai thei nawn lo in, lam neu lua ta, lei-cial pian na tam simsim ta ahih man in, tua pan in khe tawh 1 hr bang kah to in mualdawn tung sam. Mualdawn tun nang 3 and half hrs bang sawt. Mual dawn kah na ah lampai hat teng bek leh a cidam a kingap teng bek mi (14 ) bek kah zo ung. Tua mual dawn kah na lampi dung ah a tawm pen giah buuk mun ( 3 ) bang na om, neek thei leh Hot drink, Cold drinks, cih te ki zuak in pha dawm. A gim a tawl te lup thei na ding in zong ki bawl. Tua Mt. Sinai mual kah cil na a om, Aaron ki vui na zong va en ung.

4. Israel, Palestine, Jordan gam te ah a nuai a teng en kawi kawi leh va mu thei kawikawi ung.House of Herod the King, Ascension church ki ci Topa Jesu vantung a kah to na biak inn pi, Pater Noster church kici Topa Jesu in a nungzuipi te vantung thunget na a hilh na biak inn tua mun bang ah kam pau tampi ( 140 ) val tawh vantung thunget na (Prayer of the Our Father … thu nget na pen kawm pang tung te ah ki at in om zih- ziah a Pilgrimange a pai mi te, a pawl pawl in inn nuai leh a tung ah vantung thunget na pen ki ngen ziah-ziah hi ), Jewish cemetery ( Jew mi te tanglai a si te ki vui na han), German mi Hitler in Jew mi te 600,000 val that a, a ki vui na mun, catacombs ki ci ni dang a A.D 200-300 hun lai a Christian masa te a ki thah na lei nuai mun te, a ki vui na mun te, Gesemane huan ah Topa Jesu khua-ul si-san luang a thunget na mun,Jesu khitui luan na mun, King David ki vui na mun, Judaism church, Mary’s Tomb, Peter in Jesu 3 vei a nial na mun, Birth place of St. John the Baptist churches ( Lower church and Upper church ) te, church of Visitation of Mary to Elizabeth, Milk grotto of Mary,

5. Tui pi tung a om tanglai a gal pan na mun khat, Herod gate, Kedron lui, Damascus khuo a lut na gate, Birth place of Mary, Silong buol om na, Bethsaida buol om na, Jesu a ki mat na mun, Jesu sih thukhen a thuak na Caiaphas zum inn pi, Jesu a ki mat khit ciang a, a ki ton pih na lampi te, Singlamteh lam zuih na mun ( 14 )te ah ko zong Singlamteh lam zuih na pen lampai kawm in bawl. Calvary mual lam pen tu in khua sung hi in mual tung a hih lam zong tua zah pi in kitel nawn lo in, lamziat lamvei ah inn bekbek, vanzuak na Religious articles shops bekbek koi ma peuh ah, paina khempeuh ah om in, tua te khempeuh lah Catholic te tawh ki sai vive ci leng ki khial khol kei mai in teh. Tua ban ah The Chapel of Ascension, The Church of Peter Dominus Flevit ( Jesus wept over Jerusalem, Garden of Gethsemane, Basilica of the Agony, Tomb of St. Mary, The Last Supper Room, The Church of Nativity, St. Jerome workshop ( St. Jerome in Lai Siangtho pen Hebrew kam pan a Translation ( a tei khiat na ) a bawl na mun, Bethlehem-Milk Grotto, Shepherd’s Field, etc zong et nop huai thei.

6. Nazareth town ah Jesus, Mary, Joseph te te’n na inn, Lazarus ki vui na mun, Jesu pen Dawimangpa in a ze-et na mual, Zachaeu a sap na singkung ( tun zong om lai hi ),Jesu a kitui phumna Jordan gun, ( tua ah ko pawl zong khat vei ki tui sawp pha, gam tuamtuam pan a dang Tourists pawldang tuamtuam te zong ki tuiphum ngeingai uh hi).Jericho khua a mittaw Batimeus a dam sak na mun, Bathany khua sung, Caesarea khua sung, Haifa khua sung, Good Samaritan, Carmel mual, Vantung mi Gabriel in Tonu Maria tung ah thu a zaak sak na biak inn pi, Prophet Elizah ni ( 40 ) sung a buuk na suanghawm pi om na biak inn, Cana town, tui pan a lenggah zu a suak sak na leh mopawi a pai na biak inn pi, Spring of Mary’s church, Mary Mother of Jesus’ church, Wailing Wall ki ci Jew mi te or ( Judah ) te khitui luang a thunget na mun kulh pi om na, leh Jew mi te ki khop thunget na mun, Milk Grotto ki cih na mun ah mi tampi ki phu ngeingai a van ki lei khat mu in tua pen bang ki lei hiam cih a ka dot vua leh Tonu Nawi-vui ( Milk Powder of Mary ) pen a thoh thoh a ki zuak na mun hi in, a koi ci dan hiam ka cih leh hih Tonu nawi-vui pen nupa ta nei lo or suan leh khak nei lo te’n up na tawh thungen in hih Tonu nawi-vui pen tui tawh pawi in dawn leh nau nei thei ding ci hi. Cesarea, Haifa, Mt. Carmel, Nazareth, Cana khua cih te pen ki nai thei cih ding hi. Prophet Elizah ki vui na leh Stella Marris Convent te om na pen Carmel mual pai na ah om hi. Nazareth khua ah Church of the Annunciation, Mary’s House, St. Joseph’s workshop mun te zong en.

7. Mt. of ( 8 ) Beatitudes ( Jesu in thupha nam 8 a hilh na mualtung biak inn), Mary of Magdalene suah na leh te’n na mun, Tabgha a ki cih na.. Church of Primacy of Peter ( Peter kiang ah Nang pen suangpi na hi a, hih suang tung ah ka Pawlpi ka lam ding hi, a cih na biak inn pi or Peter pen Biak na makai pi a piak na or appointment a piak na mun, khomun pum 5 leh ngasa tawn 2 tawh mipi 5,000 val a vak na vanglet na bawl na mun ( Church of the Multiplication or church of the loaves and fishes), Na gunkuang hih lam ah hot in la na ngen khuh in cih a, a sawl na leh lamdang tak a, ngasa a lim ci bekbek (153 ) a mat na mun, Galilee sea ( Galile tuipi )va en kawikawi, Jesus’ min nei gunkuang pi khat tawh Galilee tuipi tung ah nai 1 sung va tuang kawikawi.

Capernaum town ( Town of Jesu ) khua ve en . Tua mun pen nungzui pi (12 )te a tel na mun, vanglet na tampi a bawl na mun, damlo tuamtuam te a dam sak na mun, eg. Khutzaw khezaw 1 hong ki pua a, inn tung vutvang a, Jesu kiang ah a ki paipih na mun or Jesu’ damask na mun, galkap 100 a uk mangpa na sem khat a dam sak na mun, U lian khat i a tapa a dam sak na mun, etc. Tua mun zong Peter te’n na inn, Nga beng te te’n na inn mun lui te om lai. Tua mun ah Synagogue ki ci nidang hun lai or tua hun lai a Pasian thu sin na Sunday School hilh na inn, meeting bawl na inn, Primary school or a tan tawm te sang kah na, lai ki hilh na mun a ki zang mun te ci hi.

Mt. Tabor ki ci Topa Jesu a mel ki lamdan na mun, mualtung biak inn pi zong va en, vakah in, mualtung pen za mahmah in mualtung pen Tiberias bual pan in 2000 ft val or 500 Meter val bang sang in ki gen hi. Mun pawl khat te pen Via Dolorosa ci in , tua in Jerusalem a om Sacred Destination zong ci a, Historical places in Jerusalem and around (the sorrowful way in Jerusalem which our Lord traveled on ).Jerusalem leh a kiim a paam a Jesu’ pai khak or sik khak na mun te. Tua te a diak diak in Old city, Calvary a om Holy Sepulchre ( burial place of Jesu – Jesu ki vui na mun ), , Western wall, Dome of the rock, Temple Mount, Church of the Nativity, Gethsemane, The Garden Tomb, Jaffa Gate, Tower of David, Church of All Nations, Sea of Galilee, Mount Zion, Tomb of the Virgin Mary, Basilica of the Annunciation, Mount of Olives ( Tanluan mual ).

8. Herod kumpi in tuiphum pa John the Baptist a mat na mun( thong a khiat na mun ) leh a thah na ( a lu a tan na ) mun a hi Mt. Mekawer Castle ( galpan na mual dawn )ki ci mun, Tua pan in Moses in Israel mi te a makaih na pan a, a nunung pen Moses a nun tat na mun, or a sih ma a, a nu nung pen Israel mite a tun pih na mun, mualdawn Mt. Nebo mual, tua pan Pasian’ kamciam na ( Promised Land ) or Canan gam ki ci Israel , Palestine ,Jordan mual, Jerusalem mual etc, gam te , a gal et sak na mun ( Mt. Nebo where Moses showed the Israelites God’s Promised land called land of Canan ). Tua mun a tun pih khit ciang a, Moses pen Pasian’ kamciam na Promised Land tung zo lo a, Moses pen a si ta ci hi. Tua gei mah mah zong pen Moses in gul lim bawl a, singtung ah gul lim khai a, sing dawn a ki khai gul lim a en te in gul tuk na pan leh a dam lo na te pan vua dam na a ki ngah na mun, etc. Tua pan in Jordan gam i khua pi te a hi; Amman city leh Madaba city te zong en kawikwi ung. Tua khit ciang letsong van zuak na (souvenir ) van ki zuak na mun thu pi khat ka vapai vua leh lam-et lo pi a Muslim te pawl khat in Kawl pau ka pau vua leh a mau in zong Kawl pau mah tawh hong hopih uh in lamdang sa in ka ki dot vua leh a mau zong Kawlgam Yangon pan a ko dan a Pilgrimange a Muslim te Center pi Mecca khua pi ah a pai ding kha khat sawt ding hong ci uh, Dead Sea ah zong tui va bual ung.

8. Ni 12 sungin gam 5, International airport om na mun 5/6,( 1 )Thailand gam,( 2 ) Egypt gam,( 3 )Israel gam, ( 4 ) Palestine gam ( 5 )Jordan gam, ( 6 ) Kingdom of Bahrain, gam te ka tung kha uh hi.

9. Israel gam sung, Palestine gam sung, leh Jordan gam sung teng ka pai na khempeuh uh ah pawlpi van zuak na or biak na van zuak na (Religious articles shops ) tampi tak, lamziat lam vei ah om ki mu hi. Hih gam 3 sung teng pen zai lo in neu thei, gam neu vive te cih ding hi mai hi. Israel gam i khua pi Jerusalem bang ah mi tengh 8 val bek (800,000) bek om ci hi.Yangon khua pi sung a om mi sang in tawm zaw mawk hi.

10. Egypt gam sung leuleu pen keu lua mah mah in or seh-nel gam na hi mawk a hih man in ni zong sa mahmah hi. Egypt gam ah tuuk hun (raining season ) om lo ci hi. A gam sung teng uh ka tai kawikawi na teng uh singkung om lo, suang bekbek or suanghum bekbek pian tam mahmah in lungzuan huan sa mai ing. A hih hangin Egypt gam khua pi Cairo bang ah mi tam mahmah in mi pen over 25 million bang om ci zen hi. Tu lai tak a Chin-dwin gun cia a pha ding Nile gun pi pen Cairo khua pi sung ah luang a, tua Nile gun tui pen ne/dawn uh a, tua gun pi in Egypt Cairo khua mite tampi thupha pia or huh mah mah cih ding hi.

11. Israel gam, Palestine, Jordan gam te pen Egypt gam tawh ki bang lo in a mau gam 3 te in a bei sa kum za lom bang zah hiam khat a ki pan a, tua gam 3 te zong pen Egypt gam tawh ki lamdang lo, suang hum lei vive or she-nel gam mah or suangtum lak khawng mah hi mah ta leh, a mau in singkung na suansuan uh a, tu in tua singkung te pen dum zih-ziah in, sii-kan zong nei in, mehteh meh gah ciin na, te zong hoih tak in bawl sitset in, lo khawh na vai ah zong na sep a hanciam mahmah te ci hi. Tua ban ah lo khawh dan, mehteh meh gah ci’n dan te siam mahmah vuh ci hi. Kawlgam leitang, khamtung gam leitang bang a mau gam ah a om hi leh tu-a san’g naak pi tak in hau zaw lai dingin ki gen hi. Eg. Kei muh na ah Khamtung gam a, leitang a hoih vet lo na gam pen Israel gam sung a, leitang a hoih pen na mun sangin hoih zaw lai ding hi. Tu mahmah in zong tua gam ( 3 ) teng pen ah leikang-vui suang ( Lime stones ) te tam mahmah lai in tua te pian mah ki mu kawi kawi hi.

12. Ko mah tawh ki bangin Bangkok International airport a ki pan ka pai ka tuntun na uh airport te leh ka vak kawikawi na uh, ka zin na khempeuh uh ah, mi dang tampi Europe, Africa, Asia, India, etc gam tuamtuam pan in mi dang tampi pawlpi mi ki bang te tawh, pawl pi ki bat pih lo te tawh ki mu kawikawi, ki tuak kawikawi, Hotel khawng ah zong tua bang mah, Restaurant an sai te ah zong tua bang mah ki mu kawikawi ung. Excursion pai na mun pawl khat ah pawl khat leh pawl khat ki ngak zel cidan om lai. Mun khat ah pen ( 25-30 ) minutes bang bek sawt, Bus pan tuak khia, a thu a la hong ki gen pih pah, en mengmeng in mi ki sim kik zel,Bus tung ah kak kik in a mun dang khat ah pai zel cih dan hi in, a lawp pha lo te dingin a cimtak huai sim zong hi mai hi. Zong ki tawl ki gim sim tham hi.

13. Pasian’ thupha tawh 5* Hotels leh 4* Hotels te bek ah ka tung kha uh a, nuam mawh lo cih ding hi.

14. Nisim in ka giah na uh Hotel te pan in 5:30 a.m tho den, 6:30 a.m Hotel ah Breakfast ne, 7:30 a.m in Hotel pan Check-out in a ki kawm Tourist bus tung ah kah pah pah in, khua sung Excursion pai ki pan den, Bus tung khempeuh ah ka Tourist Guide pa un ka pai na uh tawh ki sai mun leh mual thu te lam tawn tung Micro-phone tawh hong gen pih den in Father khat leh Kawlgam pan Guide pa leh Agent pa in kamlet/kamphen ( translation/interpreter )bawl zel uh hi. Nitak 7:00 p.m – 9:00 p.m in Hotel ah tung kik pan cih dan.

15. Cana town a om mopawi bawl na leh tui pan a lenggah zuu a suah sak na biak inn ah ko ka vek pi lak pan un nupa kop ( 5 ) om teng a ki te’n hun lai vua ki ciam na, a bawl te pen uh ko mi ( 42 ) sung ah Father te (6 ) ka om uh a, ko Father 6 tengin tua nupa kop ( 5 ) teng pen a ki te’n lai vua ki ciam na te ki ciam kik na ( Renewal of Marriage ) ka bawl sak kik uh a, tua lai mun ah Cana Wine ( Cana khua Leng-gah zuu te tua nupa kop ( 5 ) te in hong lei in nitak in ka Hotel uh ah Mopawi ki ciam kik na lungdam koh na ci in, tua leng-gah zuu pen dawn khawm in holim na leh Experience and Knowledge sharing tuamtuam ka nei uh hi.

16. Jordan gun pen Israel leh Jordan gamgi ah luang in tua pen Topa Jesu pen tuiphum pa John the Baptist in tuiphum na a piak na mun hi in, a dang Tourists gam tuamtuam pan pawl dang te tampi zong Uniform te kawm in silh kawm in ki tuiphum ziahziah uh a, ko pawl zong Catholic Rites tawh ki zui in khat vei Topa Jesu ki tuiphum na ah ka ki tuisawp pha uh hi. Tua mun ah gamgi ciing a om Israel galkap numei thau tawi a mel hoih sim khat tawh zong khat khit khat Photo ka ki kap lai uh hi, he he. Jordan guntui pen ka lawm te pawl khat in dawn, khut sawp, maiphiat, khe-sil cih bang in om uh a, a tui pen siang sa lo ka hih man in kei bangin dawn nuam lo in ka khut sawp, khe-sil, maiphiat sam ing.

17. Hih gam te ah Nile gun, Red sea ( Tuipi san ), Mediterinian sea (Me-the-pen-le ), Sea of Galilee, Dead sea ( Tuipi si), Jordan gun, cih te ah khut sawp kha, khesil, maiphiat, lawng kha ciat ung.

18. Hih Israel gam, Palestine gam, Jordan gam te ah Tanluan kung ci’n na leh mehteh mehgah ci’n na ( Olive plantations and vegetables ) te tampi tak ka va mu kawikawi uh hi. N.B:: Tua tanluan tang te pen ei lam a ci’n ding in a tang kong puak khak lo ki nung sik pan pan ing. Hotel leh Restaurant ( an-sai or an neek na mun )te ah Tanluan gah te zong neek thei singgah tuamtuam te lak ah ki hel den hi.A gah pen sai lung tang cia pha in bem sim in, thuuk sim in om hi.

19. Tu-a mun thupi ka pai na te uh or Excursion ka pai na te lak vuah a tam zaw mun te pen Muslims te khut sung ah om, pawl khat te pen Jews mi te khut sung ah om, pawl khat te pen Greek Orthodox Catholic te khut sung ah om, pawl khat te pen ei Christian te Catholic te khut sung ah om in, Catholic Christian te khut sung a om mun leh mual te pen a tam zaw F.M.M sisters te leh O.F.M father te khut nuai or Hermit te ki ci ( Zatit ) te khut sung ah om or tua te in Pawlpi taang’ in kem cing uh cih na hi.

20. Tua mah bangin Israel te khua pi Jerusalem pen Israel te khut sung ah om a, a hih hangin Bethlehem khua leuleu pen Palestine te khut sung ah om kawikawi cih dan hi.

21. Egypt gam sung a om Moses in Thu kham No. ( 10 ) suangpeek Pasian kiang pan a, a laak na Mt. Sinai ( Sinai mual dawn ) zong pen Muslim te khut sung ah om in, tua mual dawn ah Chapal a gol khat leh a neu khat om in, a gol zaw pen Musim te thu nget na Chapal ki ci in, a neu zaw pen ei Christian te thunget na Chapal ci.

22. Lamdang sak huai khat ah hih Holy Land pen Middle East a ki hel a hih na tawh hi ta leh a vai tuamtuam tawh ki lem na om lo hi. Gtn: Israel te leh Palestine te pen khat leh khat ki phin den, ki kap pahpah uh ci hi. Palestine te bangin Israel te khut sung pan a khua pi uh Jerusalem pen a lal sak sawm den hi tuak hi.

23. Israel gam bang pen ka zak na ah , High Techniques, High Technique of Agriculture, High Telecommunication, Computer Sofware & hardware lam ah sang ci, etc. Tuipi citui al pen Tui lim in bawl thei ci hi.

24. Tu-a ko zin na Holy Land ki ci, Egypt gam, Israel gam, Palestine gam leh Jordan gam te ah biggest Religion ki ci biak na a tam pen te pen: ( 1 ) Islam ( Muslims ), ( 2 ) Judaism ( Jew or Judah te biak na ) , ( 3 ) Christians, etc dan hi.

25. Egypt gam sung teng Egypt mi Toursit guide khat in hong makaih den, Israel gam sung teng Israel te Tourist guide khat in hoong makaih den, Palestine gam sung teng Palestine te Tourist Guice khat in hong makaih den, Jordan gam sung teng Jordan te Tourist Guide khat in hong makaih den hi. A mau khat ta a hun a ci’n ciang noset na bawl in a mau leh a gam tawh ki zui a Tourist Bus hong hawl sak te notset na, lungdam koh na nei in, Dollar pek khat peek 2 ta or ei piak nop zah ciat ki dong in, Tip ka pia den uh hi.

26. Nisim in Bus tung ah tua ni a Programs teng ka Tourist Guide pa un hoih tak in hong gen khol den, khua khat ka lut vua leh tua khua i Population, Religion, Politics,main work, economics, etc te zong hong gen pih den hi.

27. Ei Christian te i ih up na uh a hong pian khiat na or Christian thuzui ih suah na hong ki pat khiat na mun leh mual te pen ka mit tawh zong va mu thei, ka khut leh ka khe tawh zong va lawng thei, ka mit mahmah tawh zong va mu kawi kawi thei, Galilee bual sung a Ngasa zong va ne kha, Galilee bual ah Jesus’ boat ki ci gunkuang lianpi khat va tuang kawikawi kha, Jesu hun lai a, gunkuang lui khat zong va mu kha lai leh Jesu Topa gamtat luheek na, mun tampi tak va tuan va siik kha ka hih man in ka lungdam hi. ( Cf: Matthew 13: 16-17, “ No te in mit in mu in na bil un za a hih man in a hampha na hi uh hi. 17 Kamsang te leh Pasian mi tampi te in note’ muh te mu nuam mahmah na pi-in mu zolo uh a, za nuam mahmah na pi in za lo uh hi.)

28. Israel te, Palestine te, Jordan gam a mi te nasep hanciam na te pen et-teh huai ka sa mahmah hi.

29. Ko pawl in nisim in ka vak kawikawi na te uh lak ah biak inn pawl khat ah hi leh a dang mun pawl khat ah ko leh ko nisim in Biak-piak na ( Missa ) ka bawl khawm zel uh a, Father 6 teng pen a ban ban in ka ki khel uh hi.

30. Mun pawl khat Jesu’ suah na mun ( Bethlehem ), a sih na, leisung a ki vui na pen Holy Sepulchre ci in tua mun ah Church of Holy Sepulchre or Church of the Resurrection, a thawh kik na mun te ah mi tam mah mah hi.Khat khit ciang, khat ki lut thei bek in ki en thei hi. Jesu ki vui na bang pen suang hawm sung mi te khat ta bek ki lut thei hi.

31. Ko tawh ki bang Tourists tampi te sung pan in laibu laikung tawi a thu ciamteh mi tam peuh mah hi. Tourist Group khat a hih nak leh tawm leh tam leh Licence nei Kamphen( Interpreter ) khat ta om in tua te –in, a mau tonpih te gen pih den uh hi.

32. Gam khem peuh ah pai na, tun na gam i sum or UD Dollar tawh van ki lei thei hi. A hih hangin kong ciah lam uh Bahrain Int’l Air-port ah transit a ka om lai tak uh, moh leh niangtui valei, hong ki pia in, kei zong US Dollar ka piak a leh a mau sum tawh hong ngen se se in, ke’n lah a mau sum khek sa nei lo ka hih ciang a, ka Coffee leh ka moh pen na khawl phot oh ci-in, vatai a, sum va khek, minutes 5 khit ciang a mau’ sum va pia kik cih dan zong om.

33. Holy Land huam sung a om gam te leh a khua pi te pen, ( 1 ) Egypt gam khua pi pen Cairo city, ( 2 ) Israel te khua pe pen Jerusalem, ( 3 ) Palestine te khua pi pen Ramallah city, Jordan gam khua pi pen Amman city hi.

34. Ih up na hong pian khiat na zia/ dan te a hi zongin, Jesu nuntat zie a thei nuam te dingin a hi zongin, Pawlpi hong pian cil dan a kan vilvel te ding leh Pawlpi taangthu a kan vilvel te dingin a hi zongin, Church History hilh Professor te a ding, upna khanto thei semsem na dingin leh biak na tawh kisai a kan te ( Research a bawl te ) dingin, kei muh na ah, a pai huai huai mahmah mun thupi pen in ka um hi.

35. Kong ciah lam uh pen Jordan khua pi Amman International air-port pan in Kingdom of Bahrain ah transit, tua pan in Bangkok ah transit leuleu, tua pan in Yangon cih dan hi. Tua Amman air-port ah Check-in ka lut laitak un ko pawl ka vek pi vua mi ( 42 ) pha te lak ah, kei tawh sim ko mi ( 4 ) te pen tua mun vanleng tung kah na letmat Boarding Pass lai pen bek hong pia in, ka lawm dang teng pen Boarding pass 2 ta pia in nah, ka lawm te pawl pen Bahrain tun ciang Bangkok pai na ding Boarding Pass a pia khol hi in, ko ( 4 ) te pen Bahrain na tun uh ciang Bangkok vanleng tung kah na Boarding Pass na ngen ta un, hong ci mawk un nah, tua leh kei zong ko mi ( 42 ) teng pen pawl khat or 1 Group khat bek ka hi uh a, bang ding a, ko ( 4 ) te pen Boarding Pass ( 1 ) ta bek hong pia a, ka lawm dang teng pen ( 2 ) ta pia na hi uh hiam cih a, tawm sang pau a, ka va gen kei a leh hong ki en ngeingai, ka lawm te bangin hang sam ciai hong ci lai uh. Tua leh Check-in Counter a, a tu a, Passport laibu leh Air Ticket khat khit khat a et sak te in System Error hang hi, na heh kei in, Bahrain Airport na tun phet un, na ngen peuh leu ci’n lem lel ding hi hong ci uh.

36. Kawlgam pan ka kuan ni uh Bangkok a, vanleng kisiat na hangin a nitak in Bangkok ah Grand Fourwing 5 star Hotel ah hong ki zin tung sak in, tua nitak in Bangkok khua sung teng Sight-seeing va en kawikawi, Shopping Mall zong pai, Bus zong tuang, Taxi zong tuang, Sky Train( Electric tawh a tai Meileng zong va tuang kawikawi ung). Thai te zong a mau’ Tuibuak pawi mah tawh na ki tuak in, meileng tung bang ah mi tampi tak, tuibuak ki mawl te tawh tuang khawm ngeingai ung. Tua ni tak in Kawlgam pen Bangkok pan in Telenor phone tawh a Free a ki sam thei bilbel, va thei kha ing.

37. Bangkok pan a Egypt lam ka len ni uh, Bangkok Survanarbhumi vanleng kuan ah, munkhat ah tui lei ding a ka pai leh sum-khek na khat ah mi na ki gual in, tua leh kei zong ka ip sung ah Kawlsum tawm khat om lai in, bangbang hi leh a ki khek thei leh Dollar tawh khek nuam cih a, mi te Passport laibu tawi kawm a, sum khek na Money Exchange Counter mai ah ki gual, kei zong va ki gual, tua leh koi gam teng leh a sum te uh ki khek thei kawikawi cih dan in, Computer tawh LED signboard a lai ki at ka gal et leh hua lai a khat pen Myanmar a cih na leh Myanmar i Laan (flag) lim hi leh ki lawm ei, kawlsum ki khel thei tuak mah ei cih a, ka Passport laibu mi te mah bang a, tawi kawm a ki gual in, tua leh kei hun hong tun ciang a, Money Exchange Counter a tu numei nu in, Thai pau tawh bang sum pen bang sum tawh khek nuam cih a, hong dong in, tua leh kei zong Kawlgam sum Ks. 100,000/- (1 lakh) pen US Dollar tawh ka khek nuam ka cih leh, tua nu in Sorry, No Myanmar money cih a, aw sang tawh hong ci in, mi te nui, kei zong ka zum man a, ka lu zuut in gelkhia khia. Kawlgam sum pen leitung ah manpha lua nai lo (value om lua nai lo ki thei).

38. Ko Group mi ( 42 ) te lak ah mi ( 5 ) te pen kum ( 70 – 80 ) ki kal a om Pa pi 2 leh Nupi 3 bang zong om a, tua te pen gamdang tun ciang a, ding Life Insurance ding cih in, vanleng tung ka kah ma un mi khat ciang a kum tawh ki zui in, US Dollar 200 leh a tungsiah ka Travel Agency te’n hong ngen kik uh a, lawm te pawl a lung uh nuam pha lo, no bang mah lah hong zasak khol lo ci in lung nuam pha kei uh, tua ban ah tuate lak ah Nupi khat pen Wheel Chair tawh hong zui kawikawi hi in, tawm khat buai huai sim.

39. Bangkok pan a Bahrain leh Egypt gam lam ka len ma uh ka khawl na (Lobby ) mun pan a, vanleng tung kah na ding minute ( 15 ) bek in sam ta, tua lai tak a, mi ka ki sim uh leh ka lawm te uh ( 2 ) a om na uh ki thei lo, phone tawh lah ki sam thei lo, bang ci ding ci in, ko zong a tangzang thei mi ( 10 ) teng pen ki khen in ka lawm te gel uh zong a, a zaa mahmah leh a gol mah mah a hi, a nuai nung pen pan a, 1st floor, 2nd Floor, 3rd Floor cih dan a om, Bangkok vanleng kuan pi vanzuak na teng, an-sai teng, neek thei zuak na mun tuamtuam, etc te ah khua-ui kai kei a, mi zong a va tai kawkawi, tuah-suh zel, kah to zel in, tua leh ka mi zon te uh ka lawm te gel uh tawh ki tuak kha bilbel in, ka tun kik ciang vua, khua-ul kai kei a, vanleng tung ah kah suak pah, hih zong pen Experience khat in mu ing.

40. Ka khual zin na pan ko kong ciah lam uh, Bangkok International Suvarnabhumi air-port ah ka holim na vuah ko a pai teng a gim a tawl vive, a hih hangin a lungkim vive, Pasian’ thupha sang hi hang ei guai ka ki ci tek uh a, tua pan in Yangon hong ciah khawm kik in, Yangon, Mingaladon International air-port kong tun uh a ki pan in ko leh ko inn lam zuan in Travel Agency te tawh bang mah contact om nawn lo in ka inn ciat vuah or ka zin ciat vuah ka ciah suak ta uh hi.

41. Pasian’ thupha tawh tu-a ka khual zin na vuah zaak ngei lo thu tampi lah za kha, muh ngei nai lo tampi va mu kha, neek ngei nai lo neek thei tampi, mi tampi mah tawh melthei a hih lo hang va ki ho kha, Thai te ngei na pawl khat zong mu, Egypt te ngei na silh dan tendan leh lam na te, tua mah bangin Israel te zat dan, ngei na pawl khat va mu kha cih bang dan, eg. Jew mi te thunget dan pen ihmut suak te bangin, lu su-su kei mawk uh hi. Jew mi te a thunget na vuah Muslim te tawh ki bangin Numei leh Pasal ki khen in, Pasal te a hih leh a khamul te uh sau thei in, a mau’ ngei na puan tual pi te mah silh in, a lu tung vuah puak pak lukhu neu (Pope pa) lutung a a khuh puan pak lukhu neu bang lian te nei uh hi. Egypt mi te leuleu ciang a, Pasal te in a lutung vuah puan-paak khat khuh in, a tung ah lukhu khat tawh si’n suh om uh cih dan in mu ing.

42. Tua a hih man in tu-a ka zin na vuah a ni a tawm hangin gam (5) bang ah ki tung kha in, mite nuntak khosak na te, sum zon paai zon nate, va mu thei in, ki lam pan in Experience, Knowledge, In-sight (sepnop bawl nop na ),action to be done ki-ci, practical a sep khiat ding thu pawl khat zong lh lungsim sung ah hong ki guangthei kha a hih man in lungdam huai hi.

N.B:: Jesu Topa sung ah kong it laizom lia leh taang te leh a zah taak huai laisim teng aw, hih thu pen tawm behlap lai in, Photo ( Mann ) tuamtuam guang kawm in Laibu in Kawllai leh Zolai tawh Nam ( 2 ) in hoih tak ki cian tak in, ka thoh sawm a, tua ban ah ka zin na uh Video ka zaih na te zong ka thoh zawh nang in thu nget na ah hong na hel sak un ci’n kong thuum hi.

Lungdam na tawh,

Father Andrew Go Lian
St. Francis Asisi Church, Khampat No. (1) Ward.,
Khampat Sub-township, Tamu District,
Sagaing Division, Myanmar.

Tel: 09-400507497

P.S:: Holy Land thu tel lo na leh a kician zaw a, a thei nuam te (Clarification) a nei nuam te in, kei i personal E-mail Account: [email protected] ah hi ta leh Telephone tawh hi ta leh, kei i Facebook account: Cin Lian, ah nong dong thei uh hi. Tua ban ah tu-a kong thugen te khempeuh pen or a tam zaw pen Google pan in zong ki en thei, ki zong thei lai hi. Date: July 22, 2016, Friday