Coronavirus kipat khiatna Wuhan kihong ta ding

Coronavirus kipat khiatna Wuhan kihong ta ding

COVID-19 Pandemic ong kipatkhiatna Sengam Hubei province a Wuhan khuapi kha nih lockdown khit ciang damdam a kihong kik ta ding hita hi. Natna ngahthak (new case ) om nawnlo (or, tawm mahmah ta ). Sen kumpipa zong lungmuang tak in hih khuapi ah va hawh hiathiat theita hi.

Lockdown a kipan mipi in Kumpi thu leh Health advice limtak zui setset uh a, social distance thupi ngaihsut mahmah, lim zuih mahmah uh ahihman in hun tomno sung a tu-a dinmun a tung uh ahi hi.

Italy gam lockdown a tangko uh tun kal 3 a cing ding hita a, khantohna om cih thadah suuksia semsem hi. Spain leh US in nungdelh lai a, UK zong a genhak pi khat mah hi sawnsawn hi. Europe lak ah Eastern Europe lamte thumang zaw uh ahihman in a dandan khat om zawdeuh hi.

Western bel a pride un a satmuih thei ding in mu mai ing. Kiphasak, kinasiasak, a kumpi uh muang lo, health advice thusim lo, thumang lo….

Zomite zong tuadan mah hipian hang. I kilamdanna bel amau pil leh hau in tuahang a kimuang uh… ei bel hai leh zawn’ thuah in mihai pahtawi hanciam lai…ei le ei peuh mipilte tawh a kibang kisa lai. Mipil khat in gina tak ong hopih leh ei zong amah tawh a kikim a kibang peuh kisa mawkmawk lailai…

Ei mahmah in i tuah i phut, i sin i thuak bek ngaklo in, Mite’ tuahkhak, phutkhak leh muhkhiat thute tungpan pilna sin thei lehang a, a kan, a sin, a theite’ gen leh hilhna pan pilna sin thei lehang kihampha zaw ding a, kikhangto zaw hamtang ding hiven…..

Kawlgam ah COVID-19 kibehlap March 26, 2020 ciang…

Kawlgam ah COVID-19 ngah 2 kibehlap, 5 phata.

• 1) Khat pen US pan Qatar aitline tawh ong ciah. Mandalay ah.
• 2) Khatpen Australia a zato kah, cancer nei, Singapore transit ( mi 4 taam ) a Kawlgam ciah. YGN ah.

Kidop, kidal nakpitak i thupi ngaihsut semsem ding kisam inteh. Panic kullo, Parsonal hygene leh social distance thupi pen hi. Zato nasemte ading thu ngetsak ni. Pa Pau Khat Suan