Christians Awareness in Zogam

Christians Awareness in Zogam

1. Sectarianism in Zogam – Zogam ah Christian kipawlna i neih zawhnailohna pen, Denomination (pawlpi) khat leh khat upzia sanzia (doctrine) ki leh ngatlua ban ah, Sia khat leh khat kilungsim galdona or Kigensiatna (verbal attack)tam lua lai leh nuntakna (economic Crisis) hahsa lua lai in, mission field zong nuam leh pawlpi phuh beh (Church planting)hanciam nuam kitam lua lai hikha ding hi.

Hih a tung aa thu teng bangci in solution muthei ding cih i ngaihsut ciangin,Denomination and doctrine pan in Zomite i community pen sectarianism in hong uk cip a hih man in,ei Zomi leh Zogam tawh kituak ding theologian mipil doctor tampi i neih te in, Western theologian te doctrine bawlsa bek tawh kalsuan i hih manin Zomi sung ah zattel khit lohna khat om hi ding a hih man in, Zomi zia leh Zogam dan tawh kituak in Pasian thulung ngaihna/ Pasian tawh kinai theihna, Combine in Pasian thuthuk sinna hong neihpih zel le uh Zomi sectarianism damdam in hong bei ding a hihi.

Sia khat leh khat doctrine attack kibawlna or personel verbal attack ki neihna te,a beitheihna ding in, Zogam aa Pawlpi lian Tuiphum, AG, RC leh EBC etc.. cih te pan siate leh makaite in ma hong pangpi uh hen la,Pawlpi khat leh khat kilawmtakna Fellowship service hong vaihawm zel le uh, damdam in Doctrine attack or personel attack hong kiam ding in ka um hi.

Sum muhna hahsatna tawh leh pawlpi mi zong koikoina hang in, i Zogam ki pumkhat mawhna a beina ding in, Zogam khantohna ding hanciam Social worker kipawlna tuamtuam in Banglam sumzonna, bang khaici leh bang singkung kisuan in na kisem leh hoih ding cih gelna hong nei in ma hong pang le uh hoih ding a hihi.

Tua ban ah pawlpiphuh behbehna leh Pawlmi kisuhsakna a beina ding in, Pasian nasem crusaders pawl leh Laisiangtho sangkah te i pawlpi ciat in kepsiamna neih theih ding kisam a hihi. Tua bang hi leh pawl ki tapkhapna tawm tuam in,ki pumkhat theihna ding lampi hong vang ding a hihi.

2. Unfruitful Christian Life in Zogam

Kawlgam minamte sung ah Zomite pen minority khat ihihna tawh kizui-in, Christian rights or religious rights tampi tak hong uk kumpite in hong pialo uh aa, buaina haksatna leitung theihpih loh in i tuak den uh hi. Tuate in Pawlpi biakinn thak lamkhuan omlo, Pawlpi sia/ siamah te MC card a tawi uh hang, kawl phunggi te MC card i thuneih zah ban zolo, Singlamteh hong kiphuksak in,biak piakna tau kawlgalkapte in hong simmawhsak,Christian hihna tawh galkapsung or kumpi na sepna sung ah i pilna siamna leh service tawh kituak in za hong kibehlapsak nuamlo, etc… a hihi.

Tua bang in Kawlgam Zomite sung ah i religious rights mansuahte i ngahtheihna ding in phut ngam leh ki phalngam, lutang leh luangkham in paingam kul thukhat hong suak a hihi. A hizong in i Pasian na sem palaite leh thu um mipi te in sing leh suang molhtum tawi in Christian rights ngenpah ni cih hi lo zaw aa, Non-violence movement or thuman lampi tawh I Pasian na semte leh thu um mipite in ma kipang thei a hihi.

Tua bang aa,Hangsan tak in thautawilo lungsim galdo na,Thuman galsimna ah mapang pawlkhat pen, Mahatma Gandhi (Hindu biakinn ah nisim in thuman lampi hilhden in na sem hi), Rev.Dr. Martin luther King Jr (Nipi sim in Mivom te or Human rights ngahna ding pulpit tung pan hanthawtna pia den hi), Buddhist monk Desmontutu (Africa gam ah hunngah simin Thuman lampi muhna ding hilh den hi) Buddhist monk Dalai lamma (Nisim in biakna thu thuman lampi hilh den hi)tua bang in na hong sep uh ciang in His hollyness, a siangthona mite in mu in thuman khaici hong kituh thei pan aa,na lianpi minam bup makaite hong suak zo uh a hihi.

Ahizong in,tu ni ciangciang Zomi Pasian nasem(ministers) te sung ah Non-violence or Thuman lampi tawh i khahsuah Zomite Christian rights ngahna ding in na sem ngam leh hong kipan ngam taktak Christian makai ding om mello i hihi.

Christian rights i ngahna ding in (Zomi christian rights workers) tampi i kisam aa,khat zong i neinai kei hi, A hang i ngaihsut ciangin mipil misiam, miminthang te leh thu um mite sung panin I zogam Zomi te mailam ding itna thumanna tawh hong makaih taktak ding in lungsim kingamna,hangsanna thuman lampi tawh Pasian maipha zong nuam Pasian in Teltuam Christian salpha hong pia nai lo zaw hikha ding a hih man in thungetna ah phawktek ni. WZC-GS