Asinuam numei khat luisung atuahleh thaulua ahih manin tuisung ah tumtheilo

Asinuam numei khat luisung atuahleh thaulua ahih manin tuisung ah tumtheilo

Southern China ah numei khat amahleh amah kisih bawlnuam ahih manin luisung ah atuahleh thaulua ahih manin, tuisung ah tumtheilo in asihmah in ki honkhia kik cih South China Morning Post pan kiza hi.

China, Guangdong province sungah aluang Zhongshan River akici luisung ah Friday ni in asiding in atuak himahleh Overweight akici athauvallua te khat ahih manin, tuisung ah tumtheilo in tuitungah lamkhia cimawk hi.

Tuitung ah alampangpang numei khat amuh ciangin agei aom ngabeng khatin huhna na ngetsak hi. Rescue Team te atun ciangin honkhia uh a, silo cihi.

Rescue Team te’nzong ahotkhiatding uhciangin agei ah Boat tawh naihphei uh a, Lifesaving Waist Belt te athuah saksawm uhleh tua numeinu pen thaulua in akawng ah kigaktheilo cisawnsawn hi.

Tuaciang in Rescue Boat tawh tuinawl ah damdam in talkaihkhia in ahonkhia uh cimawk hi.

Thualuavet ahih manin Lifesaving Waist Belt thuahkullo in, lemziau bilbel hihtuak hi.

Tuinawl aki tunpih ciangin khuaphawklo ahih manin, Local Hospital ah kipuakpah in anuntakna kihonkik zo cihi.

Tua numeinu athei ngei alawmte khat in Sichuan khuasung aom numei khat hi ci’n genkhia a, ahi zongin banghang in hihbang in ki sihbawlsawm hiam cihpen kathei kei ci’n genkhia hi.

Thauvalluatna Overweight zong aki zattheihna khat na omkik bilbel hihtuak hi 🙂 ZD Sawltak #zomidaily