Apuakkham thei “Samsung Galaxy Note 7” te puahpha in kizuak kikding

Apuakkham thei “Samsung Galaxy Note 7” te puahpha in kizuak kikding

Samsung Galaxy Note 7 pen abeisa hunsungah Battery hoihlohna hangin puakkham in, meikang tampi piangsak hi. Battery Fault hang hiphadiak a, Company in Recall bawl in kaikhawmkik uhhi. Samsung Company ah aciahkik Recall abawl uh Samsung Galaxy Note 7 bekbek pen 2.5 Million bang om ahih manin, tuate pen puahpha in Market ah zuakkiksawm cih BBC pan kiza hi.

Samsung te’n agenkhiatna ah Loal Authorities leh Carriers te thukimna omin Market ah adeih Demand aomleh tua Note 7 Model tepen kizuakkik dinghi ci’n genkhia uhhi.

Tuabang in phalna aomkei zenzenleh avekin kiphelnen dikdekding a, ahoihlai akizangthei lai Hardware Metal teng ki lakik in, akisamlo te paiding ci uhhi.

Ahi zongin tuabangin mawkpaihding zong Environmental Campaigner Greenpeace te’n encik gige leuleu uh a, Pressure omkawikawi hi.

Greenpeace East Asia campaigner Jude Lee in agenkhiatna ah Samsung Company in bangci bangin “Samsung Galaxy Note 7” te vaihawmsawm uh cih thuthak hongkhahkhiat mengmengding ki lamen hi.

Tuaban ah mailam ciangin Samsung Company in apuakkham thei, meikang thei cihbang Products te abawlkhak nawnloh nadingin Prodcution System tezong hongkhelding uh ki lamen hi ci’n genkhia hi.

Tukumzong “Samsung Galaxy S8” cih Model athakkhat hong zuakkhia leuleuding uhhi. “Samsung Galaxy S8” pen mei akangthei laidiam cih mipi alunghimawh mahmah laitak in, Singapore aom Samsung te ii Building pen meikang citciat ahih manin, Media pawlkhat in kheltat uh a, Samsung pen meikang tawh kipelhzo nailo uhhi ci’n genkhia citciat hi.

More: Samsung Galaxy Note 7 Phone te vanleng sungah zat kiphallo

Samsung Galaxy Note 7 pen Battery lauhuailua ahih manin leitung Airline minthang tampitak inzong vanleng sungah zatkhuan aphalloh bekthamlo in, anunung lamah vanlengtung limlim ah puakdingzong kikhamcip hi. Tuazah in minsiatna, mindaina aneikhin Product khatpen hong puahphatkik uhhangin mipi in alei ngamdiam? Amin mahmahzong laihzawmai leh akhawng zawdiam cihnop huai hi. ZD Sawltak #zomidaily