A (3) veina Zomi Innkuan Naypyitaw Khuado 2017

A (3) veina Zomi Innkuan Naypyitaw Khuado 2017

A (3) veina Zomi Innkuan Naypyitaw Khuado pawi pi (Naypyitaw ah khuado pawi thum vei ki bawlna) Myat Nan Yone Hotel ah thupi tak in ki bawl in H.E. Pu Tual Cin Pau, (Deputy Union Minister), ZCD MP pan Sitnipa Pu Cin Sian Thang, Pu Gin Kam Lian, Pu Kham Khan Thang, Zomi innkuan Naypyitaw President, Pa Thang Do Cin (Deputy Director General in Ministry of Planning and Finance), Pa Thang Sian Kam, (Deputy Director General in Rails and Transports), te ki hel kim uh hi.

Pastor Vungh Lian Kim (Leway Chin Baptist Church) in patna thungetna nei, Pa Thang Do Cin in ”Thu kong honna le Kamvai khakna” nei in, Pu Tual Cin Pau in ”Zomi le Politics” thu lu tawh, Zomi Innkuan Naypyitaw Secretary, Pastor David Dong Khan Kap (New Life Church) in ”Khuado pawi hong piang khiatna thu” cih thulu tawh, Rev.Mang Lam Khai (Chin Baptist Church) in A huam thungetna, ZCD MP Pu Gin Kam Lian in ”Hlutdaw nasepna le Mailam kalsuan zia” cih tawh, Dr.Pau Sian Kam in “Zomi le Pilna”, Rev. Lingthang (Nayptitaw Christian Church) in Pasian kammal tawh thu genna ki nei tek in tha ki ngah mah mah hi.

Pastor Lian Suan Pau in Hunkhak thungetna nei in Nu Cing Lun Man ( w/o H.E Pu Tual Cin Pau) Annek lungdamkoh na tawh Nitak an lim mah mah le Niangtui leh Moh tawh gilvahtak in ki vaak hi.

Mi pi 200 val ki pha in Naypyitaw pan Zomi lasiam tuam tuam te’n Pasian min phat na nei uh hi. Tansawm Aung, Buaih ngah, Zakhang te Pahtawina Laipi ki pia in mi 22 in Pahtawina ngah uh hi.

Thubulphuh ”NA HOIH SEP DING CIMTAK KEINI”

Thu kaikhawm:
Pastor DavidDong Khan Kap
Secretary
Zomi Innkuan Naypyitaw