USA, Tulsa pan Pa Langh Khaw Suan (Seitual, Gualnam) in hongnusia

USA, Tulsa pan Pa Langh Khaw Suan (Seitual, Gualnam) in hongnusia

Mangpha Pa Langh Khaw Suan (Kum 65) Gualnam Beh – Seitual khuami Tulsa, Oklahoma State USA aa ateng Pa Langh Khaw Suan in abeisa February 5, 2022 in Liphiat damloh na tawh hongnusia chih thu izak man in ZIUSA kipawlna mintawh dahpihna i pulak hi.

Pa Suan pen Zomi te kipawlkhopna Zomi Innkuan Oklahoma ah member khat leh ZIUSA Genvai member pom ni 1/31/2017 pan active member khat ahih manin thumeilet/policy zuiin (100%) Death Benefit $15000 kipiakhia ding aa paakkual $150 man khat tawh zong mangpha khakna kinei ding hi.

Pa Suan luanghawm tawh anunung pen hunzatkhop ding hong tung ding Saturday February 12, 2022,1:00PM in Far East Mission Church makaihna tawh, Funeral Service bawl khit ciang Rev.Dr. Cin Khaw Kham in han ah vuina nei hi.

More: Khoppi leh Seminar paina ~ Rev. Khup Za Go

Pa Suan hong nusiatna hang adahakap alungleng khuangai tanau meltheih khempeuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc.)