Malaysia, Jalan Kampung Baru ah pasal khat aguaktang in vak

Malaysia, Jalan Kampung Baru ah pasal khat aguaktang in vak

Malaysia, Jalan Kampung Baru sungaom Market Complex mai ah pasalkhat aguaktang in guahzulak ah avaklaitak Video kizaihkha in, Social Media ah ki thehzak hi.

Tua Video sungah guaktang in apaipa pen akhutte vantunglam ah lamto in, tuakhit ciangin leilak ah khukdinsuk in thungen hileh kilawm hi.

Guah atam mahmah laitak hibilbel a, mi tampi in thudon manlo, mukha manlo hi. Ahi zongin agalpan in agalmuh khatin Video Record nabawlkha citciat a, Social Media ah alotkhiat ciangin ki thehzakpah zihziah hi.

Hihpa pen aguaktang in aomhang in maizumtuak seselo, midangte zong thudontuak seselo hi. Tuamah bangin banghang in hihbang in gamta cihpen kitheilo hi.

Nung March khasung inzong Malaysia PJ SS3 sungah numei khat aguaktang in suntangpi in vakvakmawk ahih manin, lamdang kisa a, Video kizaih in Social Media ah kikhahkhia ahih manin, tawlkhatsung thangvengvung hi.

More: Malaysia, PJ SS3 sungah numei khat aguaktang in kileh kawikawi

Indonesia gamsung ahzong June khasung in numeikhat guaktang dekphial in zatuisai khatah vanlei in paimawk ahih manin, lamdang kisa a, Video kizaih in Social Media ah ki khahkhia hi.

Hong Kong ahzong July khasung in meileng Station khatah pasalkhat aguaktang in dingngeungau mawk ahih manin, lamdang kisa in, Photo leh Video kizaih in Social Media ah ki khahkhia hi. Guaktang khuasungvak zong tulaitak khuahun luanzia “Trend” khat hiphial hiam 🙂 Sawltak #zomidaily